زمان كان الناس بتهتم بالـBudget فقط فى الاعلانات !!

زمان كان الناس بتهتم بالـBudget فقط فى الاعلانات 

حصل شوية updates اجبرت الناس انها تهتم بالــ content مع الBudget

فى الفتره الاخيره حصل updates اكتر بس الــ updates مش فى الــ technical ads
لا الــ updates فى الــmentality للـــ Target audience
بمعنى الناس بعد استخدامها الــsocial media وكل يوم بيشوفو اعلانات مبقاش فى اهتمام بالاعلانات قوى
الا creative idea اللى فعلا تقدر تحقق الـBrand Positioning عند الفانز
وفى اكتر من case study اثبتت ده فى الفترة الاخيره
اهمهم Durex for him & her
الموضوع بدا لما كان فى 2 عملاء باكونتات كبيره
واحد حاطط Budget الف دولار كل شهر بيع منتجات بيع مباشر اعلاناته كلها " اشترى & اشترى & اشترى " وشغال بطريقة اعلانات page like وwebsite click و post engagement
التانى حاطط ميزانية 300 دولار فى شهر ونص معملش ولا اعلان لبيع منتجات فى البدايات
بدا يتشغل بطريقة post engagement فقط بدا يهتم بافكار حملات اعلانيه "Buzz campaign"
اهتم بالـــtrends اليومى فى جوجل من خلال " https://www.google.com/trends "
وبدا يستخدم الــnews ويحاول يبتكر افكار ليها علاقه بالبيزنس بتاعه ويعمل اعلانات عليها
يوميا post engagement وكان فى عوامل تانيه اهتم بيها جدااا وهى .......
الفرق بين الاتنين ان واحد الفانز بقى يسالوه انت خدماتك ايه وازاى يحصلو عليها بدا يوعدهم بشرح كامل لخدماته وازاى يحصل عليها وازاى يساعدهم من غير حتى الحصول على خدماته
وجه اليوم اللى كنت قاعد فيه مع الاتنين من العملاء براجع معاهم الحملات الاعلانيه اللى عملوها فى الشهر
وانا براجع لقيت العميل B اللى بيصرف 300 دولار محقق نفس الــroi اللى حققه العميل A اللى صرف 1000 دولار فى الشهر وانا بعمل الريبورت مبقتش عارف ازاى وليه
فعملت اجتماع تانى مع العميل B اللى بيصرف 300 دولار وسالته انت كنت بتعمل ايه ومسكت الــFan page بتاعته اراجع كل اللى عمله
لقيت اهم عامل هو كان مهتم بيه creative idea ثم تنفيذ creative idea.

وعلشان تنفذ الـCreative Idea لازم تعرف الأول إزاي تستفيد من الـSocial Media وإزاي كمان تزود التفاعل علشان يبقى عندك قاعدة قوية من العملاء.

إزاي تستفيد من الـSocial Media في زيادة التفاعل مع عملائك؟

كتير من الشركات محتاجة تنافس بشكل أكبر وعلشان الشركات تعزز من قوة المنافسة بين المنافسين الآخرين، محتاجة إنها تستفيد من الطفرة اللى حصلت في وسائل التواصل ااجتماعي، علشان تقدر توصل لعملائها وتتواصل معاهم بشكل قوي وتفهم احتياجاتهم وتبني قاعدة قوية مع عملائها الحاليين والعملاء المحتمليين من خلال الـSocial Media.

الـSocial Media خلقت فرص كتيرة للشركات علشان يقدروا يتواصلوا مع العملاء، ولكن الشركات بتواجه بعض المشكلات زي إزاي يقدروا يتفاعلوا مع العملاء بشكل فعال بحيث إنهم يحافظوا على ولاء العملاء ويجذبوا عملاء جدد.

متابعة العملاء للشركات على الـSocial Media مش بغرض إنهم عاوزين يعرفوا عن منتجاتهم ولكن الهدف الأساسي هو المحتوى المفيد اللى بتقدمه الشركات للعملاء، وعلشان الشركات تحتفظ بالعملاء وتجذب إنتباهم لازم يقدموا محتوى مفيد وحصري وتكون الشركة هي المصدر الرئيسي للمحتوى المفيد اللى بيهتم بيها عملائها.

5 طرق علشان تزود التفاعل على الـSocial Media.

اعرف عملائك موجودين فين.
وجودك على كل الـChannels الخاص بالـSocial Media مالهوش أي معنى طالما عملائك مش موجودين على كل الـChannels اللى أنت موجود عليها، وكمان بتبذل وقت ومجهود على الفاضي، والأفضل إنك تعرف عملائك موجودين فين بالظبط وتبدأ تقدم ليهم المحتوى المناسب للـ channel دي وتتفاعل معاهم وتركز وقتك ومجهودك على التفاعل مع عملائك في المكان اللى موجودين فيه.

قدم الدعم لعملائك من خلال الـSocial Media
تعتبر الـSocial Media أداة قوية جدا لتقديم خدمة عملاء جيدة، من خلالها تقدر تساعد عملائك في حل المشكلات اللى بتواجههم وترد على كل أسئلتهم وده هيعتبر مؤشر ممتاز على اهتمامك بعملائك وحرصك على مساعدتهم وتقديم الدعم ليهم.

شارك عملائك معلومات تفيدهم.
لو مثلا أنا بقدم Social Media Services أقدر أقدم للـFans محتوى عن إزاي يقيم أداء الـAgency وإزاي يعرف إذا كان شغله على الـSocial Media محقق نجاح أو لا ، وإزاي يعرف يقيس الـROI وكمان إزاي يقدر يتابع الـ KPIsأو مؤشر الأداء، كل دي معلومات مفيدة للـFans ومحتاجين يعرفوها.

إستخدم الـUGC أو الـUser Generated Content
الـUGC هو المحتوى اللى الـFans هما اللى بيعملوه، زي صور وفيديوهات هما اتصوروها مع المنتج بتاعك، تبدأ تشجعهم إنهم يبعتوا الصور ليك وتعيد إنت نشرها من تاني وده هيساعدك على إنك تبني علاقة كويسة مع عملائك.

انشر محتوى عن التعديلات في المنتج اللى كانت بناءا على طلب العملاء.
اسأل عملائك عن رأيهم في المنتج الخاص بيك وإيه اللى محتاجين يحسنوه أو يغيروه في منتجك، وبعد كده انشر صور وفيديوهات للتحديثات اللى انت عملتها بناءا على طلبات عملائك، دي هتساعدك بشكل كبير على إنك توصل للعملاء إنك مهتم بيهم، وإن طلباتهم والتعديلات اللى محتاجينها فعلا إنت مهتم تنفذها ليهم، وده هيعزز علاقتك بعملائك وهيبني علاقة قوية بينك وبينهم.

الخلاصة : علشان تحقق أفضل نتيجة من خلال إعلانك على الـFacebook وتستفيد من الـUpdates الأخيرة لازم أولا إنك تقدم محتوى قوي لعملائك، بالإضافة إلى الـCreative Idea اللى هتجذب عملائك وهتخليهم يتفاعلوا معاك.