لو عايز تعرف تكتب ال CV بتاعك إزاي

هنقولك 10 حاجات محتاج تعرفها عشان تعرف تكتب ال CV بتاعك .. ورقة و قلم و اكتب معايا
1- يعني إيه CV أصلاً ؟
2 - إزاي يكون ال CV بتاعك جذاب لصاحب العمل او موظف ال HR اللي بيقراه ؟
3 – إيه الحاجات اللي ال HR بيدوّر عليها في ال CV بتاعك ؟
4- إيه اللي يخلّي ال CV بتاعك مميز ؟
5 - حاجات "متعملهاش" و انت بتكتب ال CV ..
6- المفروض ال CV يكون كام صفحة ؟!
7 – إيه هي طرق كتابة ال CVs المختلفة ؟
8 – تعمل إيه لما تبعت ال CV بتاعك بالإيميل ؟
9 – حاجات لو عملتها مفيش حد هيكلمك خالص من الشركات اللي بعتلها 
10 – مواقع تساعد تكتب ال CV بتاعك بطريقة منظمة و ملفتة ..
بس قبل ما نبدأ .. تعرف مين كتب أول CV في التاريخ؟! .
ليوناردو دافينشي سنة 1482 كتب أول CV بيبين فيه قدراته و ايه الحاجات اللي يقدر يعملها . تقدر تشوفه من هنا
http://goo.gl/USK96J

  1- يعني إيه CV أصلاً ؟ حرفين ال CV دول اختصار لكلمة Curriculum Vitae (كوريكيلام فيتي) و هي "مختصر" لمؤهلات الشخص اللي بيقدم لوظيفة معينة و فيها بيكتب معلومات شخصية عنه و خبراته و مؤهلاته .. دايما اعتبر ال CV ده هو الحاجة اللي بتسوّق فيها لنفسك فاهتم ان شكلها يكون كويس و هنقولك تعمل ده إزاي


2 - إزاي يكون ال CV بتاعك جذاب لصاحب العمل او موظف ال HR اللي بيقراه ؟
خلينا نتكلم كفنيين  .. محدش عنده وقت يقعد يقرأ صفحتين مليانين كلام و خصوصا لو عنده 100 CV المفروض يختار منهم .. دايما خلّي ال CV بتاعك مختصر .. في صورة نقط واضحة .. او paragraphs صغيرة .. من غير رغي كتير

لو عايز تعرف تكتب ال CV بتاعك إزاي .. البوست ده يهمك 
هنقولك 10 حاجات محتاج تعرفها عشان تعرف تكتب ال CV بتاعك .. ورقة و قلم و اكتب معايا
1- يعني إيه CV أصلاً ؟
2 - إزاي يكون ال CV بتاعك جذاب لصاحب العمل او موظف ال HR اللي بيقراه ؟
3 – إيه الحاجات اللي ال HR بيدوّر عليها في ال CV بتاعك ؟
4- إيه اللي يخلّي ال CV بتاعك مميز ؟
5 - حاجات "متعملهاش" و انت بتكتب ال CV ..
6- المفروض ال CV يكون كام صفحة ؟!
7 – إيه هي طرق كتابة ال CVs المختلفة ؟
8 – تعمل إيه لما تبعت ال CV بتاعك بالإيميل ؟
9 – حاجات لو عملتها مفيش حد هيكلمك خالص من الشركات اللي بعتلها
10 – مواقع تساعد تكتب ال CV بتاعك بطريقة منظمة و ملفتة ..
بس قبل ما نبدأ .. تعرف مين كتب أول CV في التاريخ؟! 
ليوناردو دافينشي سنة 1482 كتب أول CV بيبين فيه قدراته و ايه الحاجات اللي يقدر يعملها . تقدر تشوفه من 
http://goo.gl/USK96J
=================
1- يعني إيه CV أصلاً ؟
حرفين ال CV دول اختصار لكلمة Curriculum Vitae (كوريكيلام فيتي) و هي "مختصر" لمؤهلات الشخص اللي بيقدم لوظيفة معينة و فيها بيكتب معلومات شخصية عنه و خبراته و مؤهلاته .. دايما اعتبر ال CV ده هو الحاجة اللي بتسوّق فيها لنفسك فاهتم ان شكلها يكون كويس و هنقولك تعمل ده إزاي 
=================
2 - إزاي يكون ال CV بتاعك جذاب لصاحب العمل او موظف ال HR اللي بيقراه ؟
خلينا نتكلم كفنيين ‏‎ .. محدش عنده وقت يقعد يقرأ صفحتين مليانين كلام و خصوصا لو عنده 100 CV المفروض يختار منهم .. دايما خلّي ال CV بتاعك مختصر .. في صورة نقط واضحة .. او paragraphs صغيرة .. من غير رغي كتير 
=================

3 – إيه الحاجات اللي ال HR بيدوّر عليها في ال CV بتاعك ؟
(تقريباً ال HR محتاج 45 ثانية عشان يحكم علي ال CV بتاعك إذا كنت مناسب للوظيفة أو لأ .. ) .
المصدر : BI Norwegian Business School
في إحصائية اتعملت سنة 2010 في جامعة Saddleback في أمريكا سألت فيها 2000 مدير HR عن الحاجات اللي بيدوّروا عليها في أي CV بيشوفوه تقدر تشوفها من هنا (https://goo.gl/2VpS9M)
- 45 % بيشوفوا الخبرات السابقة ليك ( لو انت حديث تخرج اكتب أي تدريب حضرته او ورشة عمل روحتها او اي كورس خدته في مجالك )
- 35 % بيبصوا علي المؤهلات و المهارات بتاعتك ..
- 25 % يهمهم انه يكون سهل القراءة و منظم ..
- 16 % بيشوفوا ايه الانجازات اللي حققتها سواء في شغل سابق او في حياتك الشخصية ..
- 14 % يهمهم ان ميكونش في غلطات إملائية ..
- 9 % بيبصوا علي جهة التعليم ( الكلام ده مش لحديثي التخرج )
- 3 % يهمهم ان هدفك من الوظيفة يكون واضح ..
المعلومات الشخصية
---------------------
- اسمك ، عنوانك , رقم تليفونك و الايميل بتاعك
- مش لازم تحط صورة ليك إلا لو مطلوب ده إنما لو هتحط صورة ليك لازم تبقي صورة Formal مبينة الرأس و الأكتاف فقط و لابس فيها لبس كويس و تكون مبتسم ( الابتسامة بتعكس شخصيتك) ،
- مش لازم تحط سنك او تاريخ ميلادك إلا لو مطلوب .
المؤهل الدراسي

- اكتب انت معاك شهادة في إيه ..
- اكتب التقدير العام و تقدير مشروع التخرج ( لو عندك ) .. مش لازم تكتب تقديرات كل السنين
الخبرة العملية

استخدم الكلمات اللي بتدل علي الإنجاز زي : طَوّرت كذا كذا في شغلي .. ، نَظّمت الحدث الفُلاني .. ، استطعت تغيير .. ، و هكذا ..
لو كنت شغال في فريق عمل قبل كده اذكر ده .. لأن مهارة العمل الجماعي مهمة جدا عند أي واحد بيدوّر علي شغل.
دايماً اذكر المهارات اللي عندك من خلال خبرة شغلك يعني مثلا " سنوات الخبرة تضمنت العمل ضمن فريق جماعي حيث تضمّن هذا تخطيط و تنظيم ... "
الاهتمامات و الإنجازات

- خلّي الجزء ده قصير و مختصر قدر الإمكان لأن كل ما خبرتك تزيد هتلاقي اهتماماتك و خبراتك بتزيد لوحدها.
- اكتبها في شكل نقاط واضحة Bullets .
- بلاش تستخدم الحاجات اللي بتعتمد انك تكون لوحدك فيها بس .
- اكتب اهتمامات مختلفة مش حاجات مركزة علي مجال واحد بس .
- لو عندك هواية او موهبة مميزة و مش موجودة عند ناس كتير اكتبها.
- مثال: ممكن تكتب انك مهتم بالسينما و السفر و القراءة، ده عادي .. اللي يخلّيك مميز انك تكتب حاجة تخليك مميز فعلاً بالحاجات دي زي مثلا : عضو في معهد للسينما و التثميل مثلا ! .. لو مهتم بالسفر يبقي تقول انك سافرت اماكن مختلفة أو بتعمل ايه عشان فعلا تشبع رغبتك في السفر دي .. و هكذا ..
- لو عندك نشاط بيدل علي إن عندك مهارة "القيادة" قوله .. زي مثلا انك كنت مشارك في نشاط طلابي و كنت رئيس فريق منه . أو كنت رئيس فريق في عمل خيري و هكذا .
المهارات

اكتب المهارات الشخصية زي:
- اللغات : عربي، إنجليزي، فرنسي .. قسّمهم ل 3 أجزاء قراءة و كتابة و تحدث .. خلّيك صريح مع نفسك و متكتبش مستوي هو مش عندك فعلا لأنك هتتقفش .. لو دخلت امتحانات زي TOEFL, IELTS اكتب الدرجة اللي خدتها في الامتحانات دي .. دي دليل صريح علي مستواك فيهم .
- شوف مهاراتك الحياتية فعلا مستواها ايه و اكتبها ، لو عندك قدرة علي القيادة، قدرة علي تحمل الضغوط، العمل الجماعي و هكذا .
- المهارات الفنية زي استخدام البرامج المختلفة علي الكمبيوتر : اكتب مستواك في كل برنامج بتستخدمه بصراحة.
معلومة علي جنب :
في نفس الإحصائية اللي فاتت مديرين ال HR اتسألوا إيه اللي بيخليهم يرفضوا CV معاهم
- 61 % منهم بيرفض ال CV اللي فيه غلطات إملائية.
- 41 % منهم بيرفض ال CV اللي ناقل جزء كبير من إعلان الوظيفة الأصلي.
- 35% منهم بيرفض ال CV اللي الإيميل فيه مش formal .. زي mido_pop@yahoo.com .. إوعي تعمل كده ‏‎
- 30% منهم بيرفض ال CV اللي مفيهوش قائمة مهارات
- 22 % منهم بيرفض ال CV اللي أطول من صفحتين خصوصاً لو خبرتك قليلة.
- 20 % منهم بيرفض ال CV اللي مطبوع علي ورق ملون 
- 16 % منهم بيرفض ال CV اللي فيه تفاصيل شغل أكتر من إنجازات عملتها .
- 13 % منهم بيرفض ال CV اللي فيه صورة.
- 13 % منهم بيرفض ال CV اللي فيه كلام كتير
=================
4- إيه اللي يخلّي ال CV بتاعك مميز ؟
مفيش خلطة سحرية تقولك إيه اللي يخلي ال CV بتاعك يتقبل في شغل أو لأ بس في قواعد عامة لو اتبعتها فرصتك في القبول هتزيد.
- إنه يكون موجّه للوظيفة اللي انت بتقدم ليها .. يعني متعملش CV واحد و تقدم فيه في كل الوظائف اللي بتقابلها .. يعني في فرق بين ال CV الأكاديمي و الوظيفي و اللي بتقدمه عشان تاخد منحة و هكذا .
مثال : السيرة الذاتية لحد في مجال التسويق هتختلف أكيد لواحد بيقدم في وظيفة أكاديمية، الأولي هتوضح ايه مهارات المفاوضة و الإقناع في حين التانية هتوضّح مهارات العرض و الاستماع و الشرح.
- إنه يكون مُنظم و مرتب.
زي ما قلت لك مدير ال HR بيحتاج 45 ثانية عشان يعرف كل حاجة عنك و يشوف انت مناسب و لا لأ .. بعد ما تعمل ال CV بتاعك ورّيه لحد تعرفه و شوف هياخد وقت أد إيه عشان يعرف كل حاجة عنك.
- خلّي بالك من الغلطات الإملائية لأن دي ملهاش إلا معني من اتنين .. يا إما انت مش بتعرف تكتب و دي مش حلوة في حقك يا إما انت اتلخبطت و ما اهتمتش تراجع اللي كتبته و بالتالي فإنت مش هتبقي مناسب للوظيفة دي.
- الجزء الأوسط من ال CV هو اللي بيجي عليه العين دايماً .. اهتم بالجزء ده كويس.
- نقطة أخيرة، الكلام ده مش قرآن .. يعني إيه ؟ .. يعني انت ممكن تكون كاتب CV مختلف عن اللي قلنا عليه و لما بتقدم الشركة بتكلمك فعلا .. فخلاص كمّل زي ما انت و هتوصل
-

5 -
حاجات "متعملهاش" و انت بتكتب ال CV ..
مديرين ال HR بيقولوا إن
- 56% من المتقدمين للوظيفة عندهم غلطات إملائية.
- 21% بيبعتوا CV مش مناسب للوظيفة اللي متقدم لها.
- 16% منهم بيبعت CV طويل أوي أو قصير أوي.
- 11 % مش بيستخدم نقط واضحة Bullets
- 9 % بدون إنجازات واضحة.
- 8% عندهم مشكلة في التليفون و الإيميل مكتوب غلط
- 2 % بيكدبوا .. أعتقد النسبة دي أكتر من كده عندنا 
-

6- المفروض ال CV يكون كام صفحة ؟!
مفيش قواعد ثابتة و لكن لو حديث تخرج ال CV بتاعك المفروض ميزيدش عن صفحتين .. في إحصائية اتعملت ف أمريكا 35 % من مديرين ال HR بيفضلوا ال CV اللي من صفحة واحدة .. و 19 % بيفضلوا الصفحتين .. و الباقي بيعتمد علي نوع الوظيفة .
ال Technical and Academic CVs ممكن تبقي أطول من كده لأن بيكون فيها ذكر للمنشورات و الخبرات السابقة بالتفصيل
إزاي تقدر تقلل عدد صفحات ال CV بتاعك من 3 صفحات ل 2 بس ؟
- قلل مسافة الهوامش الجانبية
- اختصر الكلام الكتير في صورة نقط بسيطة.
- استخدم مقاسات الخطوط التالية
- الاسم : مقاس 18
- العناوين : مقاس 14
- و بقية الكلام : مقاس 10
بعض شركات المحاسبة و المحاماة و الإدارة دلوقتي بيفضّلوا ال CV من صحفة واحدة المختصر اللي بيوضّح كل حاجة عن صاحبه.

7 – إيه هي طرق كتابة ال CVs المختلفة ؟
- Chronological order أو الترتيب الزمني : يعني تكتب خبراتك بترتيب زمني من الأحدث للأقدم و دي الطريقة الأسهل لكتابة ال CV . و ده بينفع أكتر الناس اللي عندها خبرة قليلة في المجال.
- Skills-based أو ال CV المعتمد علي المهارات : ده بيكون للناس اللي عندها خبرة اكتر . ده بيوضح كل مهارة عندك و إيه الخبرات المرتبطة بالمهارات دي
في نفس الإحصائية اللي فاتت .. لقوا إن مديرين ال HR
- 49 % منهم بيفضلوا النوع الأول من ال CVs .
- 6 % بيفضلوا النوع التاني.
- 39 % بيفضّلوا ال CV اللي فيه النوعين .. تكتب الترتيب الزمني لخبراتك مرتبطاً بالمهارات اللي عندك .
- 2 % بيفضلوا يشوفوا جزء من الشغل اللي عملته مع ال CV أو ما يسمي بال Portfolio ( هنتكلم عليه في بوست منفصل)
-

8 – تعمل إيه لما تبعت ال CV بتاعك بالإيميل ؟
دايما لما تيجي تبعت ال CV متبعتوش و إيده فاضية .. ميصحّش يعني 
ابعته و معاه Cover letter .. اللي هو إيه ؟! .. يعني ده محتوي الايميل اللي بتوضح فيه انت مين و بتقدم علي وظيفة ايه في الشركة و يفضلّ انك تذكر فيه اسم الشركة بحيث اللي يقرأه يعرف انك خدت من وقتك و كتبت الايميل ده ليه مخصوص.
الإحصائيات بتقول ان اللي بيعمل كده بيكون أفضل بنسبة 10% عن اللي بيبعت الايميل فاضي ..
إيه الصيغة اللي أبعت بيها ال CV بتاعي ؟
--------------------------------------------
الاحصائيات بتقول ان مديرين ال HR ..
- 63 % منهم بيفضل بصيغة MS office word.docx
- 36 % منهم بيفضل صيغة PDF
بس نصيحة عن تجربة : ابعته أحسن بصيغة PDF .. عشان لو فيه غلطات إملائية البرنامج مش هيعلّم عليها و يفضحك ‏‎
=================
9 – اعمل اللي هقولك عليه دلوقتي و اتأكد ان مفيش حد هيكلمك خالص من الشركات اللي بعتلها 
- ابعت ال CV في إيميل واحد لكل الشركات اللي نفسك تقدم بحيث اللي يفتح الإيميل يلاقي إنك حاطط معاه 50 شركة تانية .. لو عملت ده أضمن لك ان محدش هيكلمك خالص
- حط صورة مش مناسبة أو مقصوصة من صورة تانية و انت متصور مع أصحابك في خروجة 
- يبقي عندك غلطات إملائية كتير
- اكدب و حوّر كتير في الإنجازات و المهارات
- اسأل عن المرتب و انت بتبعت ال CV
لو عندك حاجة تانية قول لنا عليها

10 – مواقع تساعدك تكتب ال CV بتاعك بطريقة منظمة و ملفتة ..
لما تيجي تقدم ال CV بتاعك في أي شركة .. الانطباع الأول دايما بيكون من طريقة كتابتك ليه و أد إيه هو منظم .. في CV دلوقتي موجودة شكلها احلي واجمل بتتسمي Modern CV or Smart CV . بتبقي منظمة اكثر وشكلها جميل دي بعض المواقع الي بتعمل النوع ده ال CV
http://iqresume.com/
https://lnkd.in/dSuSyv3
https://www.visualcv.com/
https://lnkd.in/dW9z7rq
https://lnkd.in/d7NS63f
https://www.resume.com/
http://cvmkr.com/
https://lnkd.in/df9bysU
مصادر لو عايز تعرف أكتر :
http://www.kent.ac.uk/careers/cv.htm#EMAIL