نصائح قبل الامتحانات

طبعا كلنا عندنا امتحانات والامتحانات قربت

والدنيا متلخبطه معاك خالص ومش عارف تبدا منين وازاي !!

هقولك خمس نصائح تعمل بيهم وانت هتبقا تمام

1/ انجز حاجه :-

كلنا بنكسل ونقول بكره نذاكر ويجي بكره نقول بعده ,حاول تنجز وتذاكر اي حاجه ولو صغيره عشان تلحق تنجز وتخلص

2/جدول يومي للمذاكره :-

يعني تعملك جدول وتحدد هتذاكر ايه ولمده اد ايه

3/رتب اولوياتك :-

رتب مذاكرتك الاهم فالمهم ابدا بالمواد الصعبه والمعقده وبعد كده السهله اللي تقدر تنجزها

4/التكرار:-

كرر المعلومات اللي ذاكرتها ,مش تذاكر وتركنها وتسيبها والتكرار بيعلم الشطار

5/النت :-

مش هقولك افصل النت وامنعه خالص لانك انت مش هتقدر ولا انا كمان

حاول تنظم وقتك ومتقعدش عليه كتير الا في الضروره وممكن تخليه البريك بتاعك

اخر حاجه هقولهالك واول حاجه ارضي ربنا واحنا داخلين كمان علي رمضان اهو

كل ما تحس بكسل ادعي ربنا وصلي وهتلاقي نفسك احسن من الاول وربنا الموفق .