ماهى الشبكات !!

المستوى المبتدئ وده بيشمل وظائف المبتدأين فى مجال الشبكات 

ال Technical Support او IT Support او Help Desk : ودول كلهم تقريبا وظيفه واحده والى بيقوم بها هو الشخص الى بيشتغل دعم فنى يعنى الى بيعرف يصلح الاجهزه وعارف مبادئ الشبكات ويكون من ضمن مهامه انه يصلح مشاكل الهاردوير والسوفتوير للاجهزه و يركب الكروت ويعرفها و يجمع الاجهزه و يسطب ويندوز و يقسم الهارد ديسك و يأرج الكابلات و يوصل الاجهزه على السويتش ويتابع مشاكل خط الانترنت وعلشان تشتغل فى الدعم الفنى لازم على الاقل تكون دارس كورس A+ الى بيعلمك مبادئ الدعم الفنى للاجهزه و كورسN+ الى بيعلمك مبادئ الشبكات وانا بفضل انك بدل ماتتعلم N+ تتعلم MCSA او CCNA لانهم موجهين اكتر لسوق العمل

المستوى الاحترافى وده بعد ماتكون اشتغلت فتره فى الدعم الفنى واخدت فيه خبره وعاوز تنقل نفسك لوظائف الشبكات الاحترافيه والى بتخليك تنشئ شبكه بالكامل سواء على مستوى الهاردوير او السوفتوير فأمامك وظيفتين

ال Network Engineer : وده الى بيعمل Configuration وSupport لاجهزه الشبكات زى Switches , Routers , Access Points وبيكون من ضمن مهامه انه يعمل Configuration للروترات والسويتشات يعنى يعمل الاعدادات الخاصه بها علشان تشتغل على الشبكه ويعملهم Support يعنى لما يحصل فيهم توقف او مشكله بيشوف المشكله ايه ويحلها فى اسرع وقت وعلشان تشتغل Network Engineer لازم تدرس CCNA وهى المستوى المبتدئ فى هاردوير الشبكات ثم CCNP وده المستوى الاحترافى فى هاردوير الشبكات

ال Network Administrator او System Administrator : وده الى بيعمل نظام لااداره الشبكه بحيث يتحكم فى اجهزه ال Pc وال Users من مكان واحد فى الشبكه عن طريق سوفتوير من مايكروسوت اسمه Active Directory وبيكون من ضمن مهامه انه يسطب ال Active Directory Domain Service ويدخل فيها ال Users وال Pc’s بتاعت الموظفين وبكده يقدر يعملهم Centralized Administration من ال Active Directory ثم ينزل ال Services الاساسيه فى الشبكه زى Local DNS الى بتساعدك توصل لاى جهاز فى الشبكه بإسمه مش بال IP وزى ال DHCP الى بتوزع ip’s اوتوماتك على الاجهزه الموجوده فى الشبكه علشان كل جهاز يبقى له عنوان مميز وال File server الى بيكون جهاز عليه فولدرات شير علشان الموظفين تحط عليها الملفات الى عاوزه تشيرها لبعضها وعلشان تشتغل Windows System Administrator لازم تدرس MCSA وده المستوى المبتدئ فى شبكات مايكروسوفت ثم MCSE وده المستوى الاحترافى مع العلم انك ممكن تعمل ايضا نظام لاداره الشبكه باستخدام ال Linux وتبقى Linux System Administrator بس بأدوات مختلفه

المستوى المتقدم وده المستوى المتخصص جدا بحيث تمسك جزء معين فى الشبكات وتبقى محترف فيه زى ال Security او ال Voice بس ده مستوى اختيارى يعنى مش لازم تدخل فيه الا بمزاجك لان مستوى الشبكات الاحترافى هو مستوى احترافى بطبعه وومكن تطورنفسك فيه وتبقى Senior او Manager والمستوى المتقدم فيه اكثر من وظيفه لكن هنذكر منها المهم فقط :

ال Security Engineer : وده الشخص المسئول عن حماية الرواترات و السويتشات واجهزه الويرلس فى الشبكه من اى اختراق وبيكون من ضمن مهامه انه يحط اعدادات ال Security الخاصه بال Switches , Routers , WAPS وعمل Monitor لها واخراج تقارير الحمايه للاجهزه ديه بصفه مستديمه وال Security Engineer لازم يكون اشتغل فى الشبكات لفتره وعنده خبره كويسه فيها لان شغل ال Security مبنى على شغل الشبكات وعلشان تشتغل Security Engineer لازم تدرس CCNA, CCNA Security , CCNP Security

ال Information Security Officer : 

وده الشخص المسئول عن حمايه وصحه وسلامه البيانات المتداوله عبر الشبكه ومن ضمن مهامه انه يتخذ اجراءات السلامه لتأمين البيانات من ان حد يطلع عليها او يسرقها او يغير فيها والوظيفه ديه موجود بكثره فى البنوك والكيانات الاقتصاديه الى محتاجه تحافظ على بياناتها محميه من التغير او الاطلاع وده بيكون دارس CISSP, SSCP , CAP

ال Ethical Hacker 

الهاكر الاخلاقى هو شخص يقوم بتأمين الشبكه بس بشكل عكسى بمعنى انه بيقوم باختراق الشبكه ليعرف نقاط الضعف الى فيها ويبلغ بها ال Security Engineer او ال Security Officer ليقوم بسد هذه الثغرات وبالتالى هو هاكر يمتلك اداوات الاختراق وقادر على اختراق الانظمه والسرفرات لكنه بيوجه جهوده فى مجال الحمايه فقط وده بيكون دارس CEH

ال VOIP Engineer : ده الشخص المسئول عن عمل شبكه Voice Over IP لنقل الصوت باستخدام ال Ip Protocol بدل نقلها بال Analog Signal وده معناه انك ممكن تنقل المكالمات بين الفروع باستخدام شبكه الانترنت بدل نقلها باستخدام الشبكه المصريه للاتصالات وبالتالى توفير المال وبيكون من ضمن مهامه انه يعمل ال Configuration لاجهزه ال Voice زى ال IP Telephone وال Call Manager ومن مهامه ايضا ضمان جوده الصوت اثناء المكالمات وده لازم يكون اشتغل فى الشبكات لفتره وعنده خبره فيها لان شغل ال Voice مبنى على شغل الشبكات 

وعلشان تبقى VOIP Engineer لازم تتعلم CCNA , CCNA Voice , CCNP Voice

وانشاء الله هنتكلم عن كل وظيفه فى بوست منفصل بشكل مفصل علشان نوضح مصادر التعليم لغايه ماتشتغل انشاء الله بس احنا هنا ركزنا على اهم الفروق بين الوظائف المهمه فى الشبكات.