من هو ‫‏الانسان الاسطورة‬ !؟

30 درس من أهم الدروس اللى فرقت معايا فى الحياه من ساعت ما أتولدت:-

1- مفيش حاجه أسمها حد هيطبطب عليك وهيدلعك.

2- أقرب ناس ليك وهيفدوك هما أتنين (كتابك و عقلك)

3- كل حاجه ليها وقتها وبعد كده بتعدى.

4- مش كل اللى أنت عايزه هتاخده. ‏

5- اللى بتدرسه فى المدرسه حماده واللى بتلاقيه بره المدرسة حماده تانى خالص

6- كرمتك فوق كل شئ فى الحياه.

7- الفرصه بتيجى مره واحده بس.

8- لو لقيت حد بيحبك متسبوش.

9- اللى يقولك أنت فاشل ومش نافع فى حاجه. أقطع علاقتك بيه لآنه شخص معقد.

10- محدش هيفرح بنجاحك وهيهنيك عليه بجد غير نفسك بس.

11- متعتمدش على (أهل - صاحب - مدير) ...... أعتمادك على نفسك بس.

12- جرب و جرب و جرب. لغاية ما تلاقى اللى عايزه. ‏

13- زى ما في الوحش فى برضوا الحلو. صوابعك مش زى بعضها.

14- أضحك محدش واخد منها حاجه والله.

15- أسرع طريقه تعرف بيها الناس على حقيقتهم: (سافر معاهم - أشتغل معاهم - قرب منهم).

16- لو ملكش مكان هنا يبقى سافر، عادى جدا.

17- كله بيقول ياله نفسى وقت ما الفرصه بتيجى. ‏

18- أوعى تتخلى عن مبادئك.

19- لو عايز توصل لحاجه يبقى جهز نفسك عشان تواجه كلا من (أهل بيحبطوك - تعليم فاشل - صحاب بيحاولوا يعطلوك)

20- الجواز مش نص الدين على فكره. فى حاجات تانى كتير.

21- ربنا قالك أسعى وهو هيساعدك. مش أدعى وأفضل واقف فى مكانك وفى الآخر تقول أنا تعبت.

22- لو مش قد مسئولية الآرتباط يبقى متظلمش حد معاك. الكلمه بتفرق. وعلى فكره الكلام ده للبنات كمان مش للولاد بس يعنى.

23- 30 سنة مش معناها أنك عانس على فكره سواء راجل أو ست.

24- مش معنى أنك بقى عندك 28 سنة أو حتى 40 سنة يبقى أنت كده مؤهل أنك تتجوز. أحنا مش حيوانات بنتجوز عشان نتكاثر وخلاص. أحنا بنتجوز عشان نطلع ذرية صالحه. لو مش مؤهل لكده يبقى بلاها. المشرحه مش ناقصه قتله.

25- مفيش حاجه أسمها أكبر منك بسنة يعرف عنك أكتر. العلم والخبره والتجارب ملهمش سن.

26- نفسك تبقى مشهور. يبقى أوعى تسعى وراء الشهره.

27- قيمتك فى الحياه هى مساعدتك لغيرك. ‏

28- الفلوس والله ما هى كل حاجه. أه والله.

29- قالوهنا زمان (اللى بياكل على ضرسه بينفع نفسه).

30- اللى يقولك الجهل نعمه. أعرف أنه بقى عنده وعى لدرجه أنه بقى فاهم كويس، فتعب لما فهم الصح اللى هو مش موجود أساسا.